يا ريت الكل يفكر بعقله

فى الأول نظرة وتسبيلة
وكلام معسول
وبلهفة يقولك وحشانى
تقوليله معقول؟
ويعيد ويزيد
...فى كلام محفوظ
يغلط .. يتأسف..تقوليله
عذرك مقبول

وفجأة
تلاقيكى فى مرة بتتمشى
وتشوفى كم واحدة مع الباشا
الكلمة على لسانك تهرب
والفرحة ف عينك تتلاشى
تقوليله مين دول؟

هيقولك دول زى اخواتى
وعلى فكرة الموضوع كالأتى....
من غير ولا كلمة تقاطعيه
هيقولك غلطة ويتأسف
ندمان ويحاول يتفلسف
والكدب فى عينه تشوفيه
ترجعى على بيتك ندمانة
مكسورة ضعيفة وزعلانة
تتمنى تنسى اللى ما بينكو
وكأنك ولا يوم شوفتيه

قصة ويوماتى بتتكرر
ومحدش فينا بيتعلم
ولا حد يفكر ويقرر
نرجع من تانى و نتألم

وتِعدى الوقت اللى ما بينكو
وتزهقى م العَد
انا لازم اقولك ملحوظة
قبل ما تجرى دموع عالخد
مش كل اللى يقولْها "بحبك"
بيحب بجد !

شكرا على الموضوع الجميل