دعوه للتغيير

(وتعاونوا علي البروالتقوي ولا تعاونوا علي الاثم والعدوان) دعوه للتغيير 1-مش هادفع رشاوي واكراميات تاني في المرور والقسم والمصالح الحكوميه.2- مش هارمي زبالتي في الشارع وهحافظ علي بلدي جميله. 3- مش هاعاكس بنات ولا حتي اغلس عليهم .4-مش هامشي عكسي ولا اجري بسرعه بالعربيه .5-هاحترم الاشاره حتي لو مفيش عسكري واقف .6-هاطلب من الضابط يكلم ماعيا باحترام كمواطن له حقوقه وهاطلع علي القوانين واعرف حقوقي وواجباتي. 7-هاحاول انمي الشارع اللي انا ساكن فيه.8-هابلغ جهاز حمايه المستهلك لما الاقي حد بيبيع بالغالي. 9- مش هابقي سلبي وهاقول لاي حد بيعمل غلط ده غلط .10-هافتخر ببلدي قدام الاجانب مش هاستعر منها وهقول انها احسن بلد.11-هتطوع اني اساعد الناس الي محتاجه مساعده وهعامل الناس باحترام وهقدر ظروفهم ومعانتهم.ثوره 25 يناير مش بس للتغيير السياسي دي كمان فرصه عشان كل واحد يقدر يثبت لنفسه ولغيره انه وطني بجد ومصري علي حق وانه يقدر علي تغيير نفسه ووطنه للافضل دا شعارنا احنا المصريين هنتغير احنا الاول سامحوني اني كتبت الموضوع باللغه العاميه المصريه ولم اكتبه باللغه العربيه الفصحي لاننا قصديين كده عشان المتعلم والامي يحاول يتغير والحاجات دي يفهمها كل الناس المثقف والجاهل عشان دي بلدنا لازم نتعاون عشان نخليها احسن بلد في الدنيا انا لما كتبت الموضوع ماكنتش اقصد المصريين بس لا انا اقصد جميع العرب الكل في بلده يحاول علي قد ما يقدر انه يصلح فيها كفايه بقي تخلف وتراجع جه الوقت اللي لازم نعرف العالم كله ان احنا العرب موجودين ولم نمت نحن امه الحبيب التي ستبقي امد الدهر ارجوكم ارجوكم حاولوا تغيروا عشان بلدكم وعشان انتم تحسوا باللي احنا المصريين حسين بيه دلوقتي انا فخوره جدا اني مصريه والفضل يرجع لشباب 25 يناير الذين ضحوا بارواحهم من اجل ان نفتخر بمصريتنا من قلبي شكرا ليكم اما اهلكم والله هنحطهم في عنينا احنا كلنا اولادهم مش انتم لوحدكم وشكرا لكم يا شباب يا مثقف ياللي نزلتم الشارع ونظفتوه وخليتوا العلم كله يقف ويحتار في امركم اه ما هما ميعرفوش ان عروبتنا ووطنيتا وديننا بيعلمونا حب الوطن ارجو من كل من يقرا هذا الموضوع ان ينقله الي المنتديات الاخري التي يعرفها حتي ننشارك جميعا في حمله التغيير ملحوظه ال11 مطلب اللي ذكرتهم في الاول انا جبتهم من ورقه بنوزعها علي بعض في مصر يعني مش مطالبي لوحدي دي مطالب كل المصريين العرب والسلام مسك الختام

مشكووورة

شاكره لك هذا المرور العطر ايه رايك في الموضوع

شكرا على الموضوع